Maitampok ti panagsango ti dua kadagiti kalaingan a lightweight mixed martial artists iti pakasaritaan ti nasao nga ay-ayam.
Agsubli iti octagon ni 4-time Lightweight World Champion Eddie 'The Underground King' Alvarez kontra kenni sigud a ONE Lightweight World Champion Eduard 'Landslide' Folayang.
Panggep ni Alvarez a gun-uden ti ONE Lightweight World Title babaen iti panang-abakna kenni Folayang a napinget met a mangsubli iti nasao a titulo.
Tampok met iti semifinal bouts ti ONE Flyweight World Grand Prix ti laban da Danny 'The King' Kingad ken sigud a ONE Flyweight World Champion Kairat 'The Kazakh' Akhmetov.
Puntirya ni Kingad a manayonan ti lima a nagsasaruno a panangabakna nupay agbalin a karit kenkuana ni Akhmetov a sigud a world champion ken multi-time national wrestling champion sadiay Kazakhstan.
Kabayatanna, iti maikadua a semifinal contest ti ONE Lightweight World Grand Prix ket agsango da knockout artist Timofey Nastyukhin ti Russia ken sigud a ONE Lightweight World Champion Honorio 'The Rock' Banario.
Bin-ig a nagtaud da Folayang, Kingad ken Banario iti mabigbigbig a Team Lakay manipud iti Baguio-Benguet.
Learn more: www.bomboradyo.com/baguio/3-nga-igorot-mma-warriors-lumaban-iti-one-dawn-of-heroes-inton-august-2-di...
#SportsNews #DannyKingad #EduardFolayang #HonorioBanario #ONE:DawnOfHeroes #TopStory
