LOOK : LIVING TREASURE a ni Anicito Degay iti Brgy. Patiacan, Quirino Ilocos Sur.

Ti 63 anyos a ni Mang Anicito ket aglaglaga iti disenyo a segun kenkuana ket basar iti tag tagainepna, kas kuma iti dragon, ken phoenix hat.

Us-usarenna ti maysa a klase ti lanot a maaw awagan ti bannito wenno nito. Narigat ti agsapul ti nito ta agpagna pay iti banbantay iti uppat nga oras.

Nangrugi nga aglaga ni Mang Anicito idi daytoy ket adda iti high school sadiay Tublay, Benguet babaen iti maysa a 'subject' da.

Simple a kallugong laeng ti ar-aramidenna idi, ngem idin ta agtagtagainep iti sabsabali a pinarsua kas iti dragon ken babbai a nakakallugong iti billit, pinadasna ti naglaga basar kadagitoy a nakitana iti tagtagainep ket kastoyen dagiti resultana.

Ti kadakkalan a gapuananna a pinanagananna ti Drako ket linagana iti uneg ti tallo a bulan. Sinuportaran daytoy ti lokal a gobierno ti Quirino kadagiti naglablabas nga administrasion ken ti agdama a liderato ni Mayor Allen Nimo. Sinuportaran met daytoyen ti Provincial Government of Ilocos Sur babaen kadagiti naglabas nga administrasion da Hon. Chavit Singson ken Hon. DV Savellano.

Itultuloy latta daytoy ti agdama nga administrasion ni Gov. Ryan Singson. Dagiti gapuanan ni Mang Anicito ket makitkita kadagiti adu a festival ti probinsia kas iti Kannawidan Ylocos Festival. Panawagan da Gov. Ryan Singson ken Mayor Nimo, maaddaan iti gaget dagiti agtutubo a sursuruen daytoy a talento ti Living Treasure tapno saan a mapukaw daytoy a pagpannakkel ti buo a probinsia.

Iti agdama, adda dua a nataengan a sinuruanen ni Mang Anicito. Silulukat latta isuna kadagiti mayat nga agsursuro.

Ladawan : Michael P Escobar
Newsteam : Michael P Escobar, Marvin Parel
Crew : Dan dela Rosa, Marco de Peralta, Santino Castillo
Special Thanks : LGU Quirino, Ilocos Sur, Mayor Allen Nimo, Municipal Agriculturist Marlyn Bad-ay, Marcelo Lucain, Brgy. Capt William Maiyon Sr of Patiacan, and PGIS family headed by Gov Ryan Singson.

Via PTV YLOCOS

#DRAGONS #PHOENIX #hat #Igorot #Patiacan #IlocosSur