Siya si Private Kevy B Bantoc tubong Mallango, Tinglayan Kalinga ipinanganak siya noong 24 November 1996. Ating tunghayan ang kwento ng kanyang buhay, kung paano siya nakapasok sa Philippine Army at kung paano niya nakamit ang mga pangarap niya sa buhay.
Si Private Kevy B Bantoc ay pang apat sa anim na magkakapatid. Siya ay nakapagtapos ng sekondarya lamang noong 2014. At ang kanyang mga magulang ay magsasaka lamang. Pero kahit ganun ay napagtapos naman nila sa kolehiyo ang dalawa sa kanilang mga anak.
Ngunit lingid sa ating kaalaman na ang kanyang ama ay dati ring naninilbihan sa ating bayan. Ang kanyang ama na si Robert G Bantoc ay dating miyembro ng Civilian Armed Forces Geographical Unit(CAFGU) taong 2008 hanggang 2016. At ako ay namangha sa kagandahang loob meron ang kanyang ama, sapagkat simple lang naman ang pamumuhay na meron sila ngunit nagawa niyang ibahagi ang kakarampot na lupa na kanilang sinasaka upang may mapatayuan lamang ng detachment na tutuluyan ng tropa taong 2008.
At bago siya naging Enlisted Personnel. Si Private Kevy B Bantoc ay naging CAFGU ACTIVE AUXILIARY(CAA) din siya taong 2018 hanggang 2019. At noong 07 February 2020 ay pumasok siya sa Division Training School(DTS) 5ID, PA para magsanay, magpalakas sa loob ng anim na buwan upang maging isang magiting na sundalo sa ating bayan. At nitong 09 July 2020 nga lang ay nakapagtapos na siya ng Candidate Soldier Course Class 629(MAKASINDAK)-2020. At nakadestino siya ngayon sa 98 Infantry (MASINAG) Battalion Bravo Company bilang Rifle man at Tail Scout ng kanyang squad.
Hindi rin biro ang mga napagdaanan niya sa buhay bago niya nakamit ang kanyang mga pangarap. Masasabi ko na si Private Bantoc ay isang maparaan, matatag na tao. Dahil siya yung taong gagawin ang lahat upang magkaroon ng maganda at marangal na trabaho upang makatulong sa kanyang pamilya. Kaya hindi importante kung anuman yung mga narating mo sa buhay, kahit High School Graduate ka lang basta may pangarap at plano ka sa buhay meron at meron kang mararating.
Source: 98IB Bravo Company
